Pasaiako Udalak eta Albaolak PASAIA ITSAS FESTIBALA 2024 antolatzen dute, ondare-balioa duten itsasontzi tradizionalen nazioarteko topaketa bat.

Pasaia Itsas Festibala Euskal Kostaldeko itsas ekitaldi kultural garrantzitsuena da. Jaialdi hau bi urtetik behin egiten da, eta gure itsas eta kultur ondare zabalaz eta etengabe garatzen ari den badia bat gozatzeko aukera eskaintzen du. Bi urtetik behin, jaialdiak Pasaiari eta gure historiari buruzko ikuspegi berri bat aurkezten digu.

Lau egunez, Pasaia gure ondare mardula ospatzeko leku bihurtuko da, beste itsas kultura batzuekin topatzeari esker eta beste hainbat ekimenen bitartez: itsasontzi tradizional ugari uretan, eta jarduera kultural bizi-bizia lehorrean, hala nola musika, gastronomia, artisautza, tailerrak eta dibulgazio-ekitaldiak.

Gainera, edizio honetan, gonbidatutako ohorezko itsas kultura Txile da, zehazkiago Chiloé uhartediko itsas kultura, berau nabarmentzen baita bere itsas ondarea berreskuratu eta salbatzeko xedez azken urteetan garatzen ari diren ekintzengatik, bere tradizioaren adierazgarri diren itsasontziak berreraikiz.

Informazio gehiago Pasaia Itsas Festibalaren webgunean.

Jaialdiaren webgunerako esteka: https://pasaiaitsasfestibala.org/es/