Bilbao Plaza Marítima Shippingek honako eremu hauetara zuzentzen du bere jarduna:

• Aholkularitza tekniko, komertzial eta juridikoa.
• Auditoriak.
• Armadorearentzako ikuskapena, itsasontzia eraikitzen den bitartean.
• Bermeen jarraipen eta likidazioa, bai armadorearentzat eta bai ontziolarako.
• Bideragarritasun- eta ustiapen-azterlanak.
• Eskuliburuak gaztelaniaz, ingelesez eta frantsesez (SOPEP, SOLAS, Suteen kontrakoa, kargaren finkapen eta antolaera, Oil and Cargo Transfer Procedures, eta, oro har, Espainiar Administrazioak, IMOk edo US Coast Guardek eska dezaketen edozein eskuliburu).

Itsasontzigintzari buruzko aholkularitzaren arloan, Bilbao Plaza Marítimak esperientzia luzea du askotariko azterlan eta laguntza teknikoetan, mundu osoan. Beste batzuen artean, azpimarratzekoak dira Europako Kabotajeko Itsas Garraioaren arloa (Short Sea Shipping), bertan lanak egin baititu Europar Erakunde eta Portu-agintaritza batzuentzat. Orobat, bideragarritasun-azterlan garrantzitsuak egin ditu ontziola eta arrantza-portuetarako, Latinoamerikatik Asiako Hego-ekialderaino.